يوميات سواق تاكسى

الحمد لله وتوكلنا على الله
ركبناالتاكس وطلعنا
هتبدى رحله كل يوم فى شوارع القاهره الكبرى
الجو تمام والحياه حلوه
اول زبون وقفنى مدينه نصر يا اسطى
(مع ان الكلمه ديه بتعصبنى اوى بس ما علينا)
ركب وشغلنا العداد وانطلقنا
على الصبح كده واول زبون لازم الواحد بشهيصو (يعنى يظبطه)
الاصتباحه بتعتنا
قفلت الازاز شغلت التكيف قرأن شغال صحبنا متكيف
(طبعا ماشى بمأد كييف الزبون الزبون يظبتك)
(المهم الصمت شغال ويه محدش فكر يتكلم)
(لحد ما طلعنا الكوبرى )
(كوبرى اكتوبر ده من احسن حاجه معموله فى بلدنا والحمد لله على كل شء)
(الراجل ده طلع الكوبرى من هنا وابتسامه ملهاش حل على وشه زى ما اكون موديه الملاهى
الفضول بتاع الواحد برده)
خير يا استاذ ما تفرحنا معاك شكلك فرحان
(الراجل بصلى بقرف واكنى شتمته)
فى حد ينزل الصبح تقله فرحان كده فى وشه
امال القه ايه يا استاذ وربنا ما يجيب غير فرح
اهو الحمد لله على كل شئ
بس المشكله انى اول مره اطلع الكوبرى ده الصبح كده ويبقى فاضى
اااااااااااااااه كويس انه فاضى علشان توصل بسرعه
يا عمى وهى فارقه معاك ما انت كده كده عداادك بيعد
(الراجل ده يقصد ايه بعدادك ديه شكله بيحقد)
بس برده السواق بيتخنق من الزحمه والعربيه بتسخن وبيحصل بلاوى
ما انت واخد على كده
(استغفر الله العظيم يا رب)
هو البيه شغال ايه
(عاده كله بيه ديه انا بقلها للى اتخنقت منهم)
قالى انا فاتح معرض فى الحى العاشر
معرض معرض ايه ان شاء الله
عادى معرض بتاع اكسورات موبيلات
اااااااه طيب ده كويس وانت رايح تفتح بدرى كده
افتح سبحان الله
انا رايح اعد مع الصحابى المعرض بتاعى فى واحد بيجى يفتحه
ايوه يا بيه بس لازم برده تبقى متواجد فى المكان بتاعك
ومره واحد كشر واكنه هاعيط
(النبوئه اتحققت والطريق وقف وقفه تمام)
(والراجل ابتدى بتوتر وعينه على العداد خلاص زى ما يكون روحه بتطلع)
ومفتحش بقه بكلمه تانى
وصلنا والحمد لله
نزل وهو متأسر وطلع الاجره وهو بيتحصر على الفلوس بتاعه الانتظار

"ملحوطه للقارء
انا
الزبون
جو المشهد"
ده كان اول مشهد وامتعهم انتظر الباقى كل يوم وتفاصيه ده حاجه كده على قد ما اسهم الباقى اليوم بأذن الله