انا فى سيوة

رحت رحله الى واحه سيوة

قهر ظلما وعدونا

لما اختى قررت انه عاوزة تسافر ولازم تاخدنى معاها

بس بجد ا ستمتعت مش شايفين

بتزحلق على الرمل

بس بردو قهرا وظلما وعدوانا

حيرة

دائما ما احتفظ باشيائى الغاليه بعيدا عن اعين الناس
الا انها بعد فترة تصبح بعيده عنى انا ايضا

لاتصــــــــــــــــــــــــالح

السلام على من اتبع الهدى


مقتل كليب (الوصايا العشر)

.. فنظر "كليب" حواليه وتحسَّر، وذرف دمعة وتعبَّر، ورأى عبدًا واقفًا فقال له: أريد منك يا عبد الخير، قبل أن تسلبني، أن تسحبني إلى هذه البلاطة القريبة من هذا الغدير؛ لأكتب وصيتي إلى أخي الأمير سالم الزير، فأوصيه بأولادي وفلذة كبدي..

فسحبه العبد إلى قرب البلاطة، والرمح غارس في ظهره، والدم يقطر من جنبه.. فغمس "كليب" إصبعه في الدم، وخطَّ على البلاطة وأنشأ يقول ..

(1)



.. ولو منحوك الذهب

أترى حين أفقأ عينيك،

ثم أثبت جوهرتين مكانهما..

هل ترى..؟

هي أشياء لا تشترى..:

ذكريات الطفولة بين أخيك وبينك،

حسُّكما - فجأةً - بالرجولةِ،

هذا الحياء الذي يكبت الشوق.. حين تعانقُهُ،

الصمتُ - مبتسمين - لتأنيب أمكما..

وكأنكما

ما تزالان طفلين!

تلك الطمأنينة الأبدية بينكما:

أنَّ سيفانِ سيفَكَ..

صوتانِ صوتَكَ

أنك إن متَّ:

للبيت ربٌّ

وللطفل أبْ

هل يصير دمي - بين عينيك - ماءً ؟

أتنسى ردائي الملطَّخَ بالدماء..

تلبس - فوق دمائي - ثيابًا مطرَّزَةً بالقصب ؟

إنها الحربُ !

قد تثقل القلبَ ..

لكن خلفك عار العرب

لا تصالحْ ..

ولا تتوخَّ الهرب !


لا تصالحْ ! (2)



لا تصالح على الدم .. حتى بدم !

لا تصالح ! ولو قيل رأس برأسٍ

أكلُّ الرؤوس سواءٌ ؟

أقلب الغريب كقلب أخيك ؟!

أعيناه عينا أخيك ؟!

وهل تتساوى يدٌ .. سيفها كان لك

بيدٍ سيفها أثْكَلك ؟

سيقولون :

جئناك كي تحقن الدم ..

جئناك . كن - يا أمير - الحكم

سيقولون :

ها نحن أبناء عم.

قل لهم : إنهم لم يراعوا العمومة فيمن هلك

واغرس السيفَ في جبهة الصحراء

إلى أن يجيب العدم

إنني كنت لك

فارسًا،

وأخًا،

وأبًا،

ومَلِك!


(3)


لا تصالح ..

ولو حرمتك الرقاد

صرخاتُ الندامة

وتذكَّر ..

(إذا لان قلبك للنسوة اللابسات السواد ولأطفالهن الذين تخاصمهم الابتسامة)

أن بنتَ أخيك "اليمامة"

زهرةٌ تتسربل - في سنوات الصبا -

بثياب الحداد

كنتُ، إن عدتُ:

تعدو على دَرَجِ القصر،

تمسك ساقيَّ عند نزولي..

فأرفعها - وهي ضاحكةٌ -

فوق ظهر الجواد

ها هي الآن .. صامتةٌ

حرمتها يدُ الغدر:

من كلمات أبيها،

ارتداءِ الثياب الجديدةِ

من أن يكون لها - ذات يوم - أخٌ !

من أبٍ يتبسَّم في عرسها ..

وتعود إليه إذا الزوجُ أغضبها ..

وإذا زارها .. يتسابق أحفادُه نحو أحضانه،

لينالوا الهدايا..

ويلهوا بلحيته (وهو مستسلمٌ)

ويشدُّوا العمامة ..

لا تصالح!

فما ذنب تلك اليمامة

لترى العشَّ محترقًا .. فجأةً ،

وهي تجلس فوق الرماد ؟!


(4)



لا تصالح

ولو توَّجوك بتاج الإمارة

كيف تخطو على جثة ابن أبيكَ ..؟

وكيف تصير المليكَ ..

على أوجهِ البهجة المستعارة ؟

كيف تنظر في يد من صافحوك..

فلا تبصر الدم..

في كل كف ؟

إن سهمًا أتاني من الخلف..

سوف يجيئك من ألف خلف

فالدم - الآن - صار وسامًا وشارة

لا تصالح ،

ولو توَّجوك بتاج الإمارة

إن عرشَك : سيفٌ

وسيفك : زيفٌ

إذا لم تزنْ - بذؤابته - لحظاتِ الشرف

واستطبت - الترف

(5)



لا تصالح

ولو قال من مال عند الصدامْ

" .. ما بنا طاقة لامتشاق الحسام .."

عندما يملأ الحق قلبك:

تندلع النار إن تتنفَّسْ

ولسانُ الخيانة يخرس

لا تصالح

ولو قيل ما قيل من كلمات السلام

كيف تستنشق الرئتان النسيم المدنَّس ؟

كيف تنظر في عيني امرأة ..

أنت تعرف أنك لا تستطيع حمايتها ؟

كيف تصبح فارسها في الغرام ؟

كيف ترجو غدًا .. لوليد ينام

- كيف تحلم أو تتغنى بمستقبلٍ لغلام

وهو يكبر - بين يديك - بقلب مُنكَّس ؟

لا تصالح

ولا تقتسم مع من قتلوك الطعام

وارْوِ قلبك بالدم..

واروِ التراب المقدَّس ..

واروِ أسلافَكَ الراقدين ..

إلى أن تردَّ عليك العظام !


(6)



لا تصالح

ولو ناشدتك القبيلة

باسم حزن "الجليلة"

أن تسوق الدهاءَ

وتُبدي - لمن قصدوك - القبول

سيقولون :

ها أنت تطلب ثأرًا يطول

فخذ - الآن - ما تستطيع :

قليلاً من الحق ..

في هذه السنوات القليلة

إنه ليس ثأرك وحدك،

لكنه ثأر جيلٍ فجيل

وغدًا..

سوف يولد من يلبس الدرع كاملةً،

يوقد النار شاملةً،

يطلب الثأرَ،

يستولد الحقَّ،

من أَضْلُع المستحيل

لا تصالح

ولو قيل إن التصالح حيلة

إنه الثأرُ

تبهتُ شعلته في الضلوع..

إذا ما توالت عليها الفصول..

ثم تبقى يد العار مرسومة (بأصابعها الخمس)

فوق الجباهِ الذليلة !


(7)



لا تصالحْ، ولو حذَّرتْك النجوم

ورمى لك كهَّانُها بالنبأ..

كنت أغفر لو أنني متُّ..

ما بين خيط الصواب وخيط الخطأ .

لم أكن غازيًا ،

لم أكن أتسلل قرب مضاربهم

أو أحوم وراء التخوم

لم أمد يدًا لثمار الكروم

أرض بستانِهم لم أطأ

لم يصح قاتلي بي: "انتبه" !

كان يمشي معي..

ثم صافحني..

ثم سار قليلاً

ولكنه في الغصون اختبأ !

فجأةً:

ثقبتني قشعريرة بين ضعلين..

واهتزَّ قلبي - كفقاعة - وانفثأ !

وتحاملتُ ، حتى احتملت على ساعديَّ

فرأيتُ : ابن عمي الزنيم

واقفًا يتشفَّى بوجه لئيم

لم يكن في يدي حربةٌ

أو سلاح قديم،

لم يكن غير غيظي الذي يتشكَّى الظمأ


(8)



لا تصالحُ ..

إلى أن يعود الوجود لدورته الدائرة:

النجوم.. لميقاتها

والطيور.. لأصواتها

والرمال.. لذراتها

والقتيل لطفلته الناظرة

كل شيء تحطم في لحظة عابرة:

الصبا - بهجة الأهل - صوتُ الحصان - التعرف بالضيف - همهمة القلب حين يرى برعمًا في الحديقة يذوي - الصلاة لكي ينزل المطر الموسمي - مراوغة القلب حين يرى طائر الموت وهو يرفرف فوق المبارزة الكاسرة

كلُّ شيءٍ تحطَّم في نزوةٍ فاجرة

والذي اغتالني: ليس ربًّا

ليقتلني بمشيئته

ليس أنبل مني.. ليقتلني بسكينته

ليس أمهر مني.. ليقتلني باستدارتِهِ الماكرة



لا تصالحْ

فما الصلح إلا معاهدةٌ بين ندَّينْ ..

(في شرف القلب)

لا تُنتقَصْ

والذي اغتالني مَحضُ لصْ

سرق الأرض من بين عينيَّ

والصمت يطلقُ ضحكته الساخرة !

(9)

لا تصالح

ولو وَقَفَت ضد سيفك كلُّ الشيوخ

والرجال التي ملأتها الشروخ

هؤلاء الذين يحبون طعم الثريد

وامتطاء العبيد

هؤلاء الذين تدلت عمائمهم فوق أعينهم،

وسيوفهم العربية، قد نسيتْ سنوات الشموخ

لا تصالح

فليس سوى أن تريد

أنت فارسُ هذا الزمان الوحيد

وسواك .. المسوخ !

(10)

لا تصالحْ

لا تصالحْ
القصيده ديه للشاعر امل دنفل
كتبها وهو يموت فى اخر ديوان ليهاللى مكملهوش
بس للاسف فين اللى بيعمل بالحاجه ديه دلوقتى

كل يوم ناس بتموت واحنا برده بنصالح
بيقتل ابنك وتروح تعد معاه
ليه
هو دم الواحد بقى رخيص او كده
بيموت مننا ملين واحنا ولا بنعمل اى حاجه
فى من كام يوم كده ناس ماتو ومهما بيهاجرو
امشكله بقى ان كل اللى ماتو اللى عنده تهتك فى الجمجمه واللى مضروب بنار
واللى واللى
والطب الشرعى ولا هو هنا
ميت غرقان ده اللى قدره عليه ربنا
وفى الاخر تتكتب ضد مجهول هى لسه مكتبتش ضد مجهول بس محدش يعرف حاجه يبقى اكيد هتكتب كده
ربنا يستر المهم اللى عايزه اقوله الى اى حد
انهم لاتصالح
لاتصالح
انا يمكن مش بعرف اكتب كويس او اوصل اللى انا عايز اقوله بس القصيده اكيد هتوصل
ليه كده

مشكله

بعد غيبه طويله واسف شديد على الغيبه ديه
انا واقع فى مشكله هاقولها بس من غير ضحك عليا
انا اختى وحشانى اوى اوى ومش عارف اعمل ايه علشان اشوفها قررت انى اعمل كده وهى اكيد هتشفها وهتفرح يارب يخليها ديما سعيده اوى هى واختى التانيه ويتجوزو يارب
بس برده انا عايز اعرف انا اشوفها ازاى انا حتى العيد مشفتهمش فيه ولا رمضان اللى هو اساسا مصر كلها بتشوف بعض فيه انا مش شوفت اخواتى حد يقولى اعمل ايه
وحشتنى وحشتنى منكفتها ليا وحشنى تصحيح الاخطاء الاملاءيه اللى بكتيها
انا بروح الشغل الصبح والمعهد وارجع اعمل شغل تانى ارجع تكون هى نايمه وانا كمان بنام واصحى تكون نزلت ومش عارف اعمل ايه لو حد عنده حل يوقلى اعمل ايه يا ناس سا مدونين انا بحبهم اوى ووحشونى
يارب يجليهم ليا

zodiac

التاريخ كان علم الفلك بداية يلقن من قبل كهنة المعابد . وكان لكل من قدماء المصريين والبابليين فلكهم الخاص بهم, فلقد عثر علي تقاويم فوق أغطية التوابيت الفرعونية ترجع لسنة 2000-1600ق.م.ووجد أن أسقف المقابر المملكة الحديثة فد زينت بصور النجوم التي كانت تري بالسماء وأطلق عليها أسماؤها. كما وجد في بلاد ما بين النهرين تشكيلات لصور النجوم. وكان البابليون يتنبؤن بدقة بالخسوف والكسوف للشمس والقمر. وتاريخ الفلك يبدأ منذ عصر ماقبل التاريخ حيث كان الإنسان الأول قد شغل تفكيره بالحركة الظاهرية المتكررة للشمس والقمر وتتابع الليل حيث يظهر الظلام و تظهر النجوم وحيث يتبعه النهار لتتواري في نوره . وكان يعزي هذا للقوي الخارقة لكثير من الآلهة. فالسومريون كانوا بعتقدون أن الأرض هضبة يعلوها القبة السماوية. وتقوم فوق جدار مرتفع علي أطرافها البعيدة. واعتبروا الأرض بانثيون هائل تسكن فوق جبل شاهق. والبابليون إعتقدوا أن المحيطات تسند الأرض والسماء. والأرض جوفاء تطفو فوق مياهها ومركزها بها مملكة الأموات. لهذا ألهت الشمس والقمر وتصورت الحضارات القديمة أنهما يعبران قية السماء فوق عربات تدخل من بوابة مشرق الشمس وتخرج من بوابة مغرب الشمس. وهذه المفاهيم بنيت علي أساسها إتجهات المعابد الجنائزية. وكان قدماء المصريين يعتقدون أن الأرض مستطيلة طويلة يتوسطها نهر النيل الذي ينبع من نهر أعظم يجري حولها. تسبح فوقه النجوم الآلهة. والسماء ترتكز علي جبال بأركان الكون الأربعة. و تتدلي منها هذه النجوم. لهذا كان الإله رع يسير حول الأرض باستمرار. ليواجه الثعبان أبوبي( رمز قوي الظلام الشريرة ) حتي يصبحا خلف الجبال جهة الغرب والتي ترفع السماء. وهناك يهزم رع ويسقط. فيحل الظلام. وفي الصباح ينتصر رع علي هذه القوي الشريرة. ويستيقظ من جهة الشرق. بينما حورس إله القمر يسير بقاربه ليطوف حول العالم. وكان القمر بعتبر إحدي عينيه. و يلاحقه أعداؤه لفقيء هذه العين بإلقائها في النيل وينجحوا مجتمعين في هذه المهمة فيظلم القمر. لكن الإله رع يهب لنجدة عين حورس (القمر) ويعيدها لحورس. وكان الصينيون يعتبرون الأرض عربة ضخمة في أركانها أعمدة ترفع مظلة (السماء) وبلاد الصين تقع في وسط هذه العربة ويجري النهر السماوي (النهر الأصفر) من خلال عجلات العربة ويقوم السيد الأعلي المهيمن علي أقدار السماء والأرض بملازمة النجم القطبي بالشمال بينما التنينات تفترس الشمس والقمر. لكن في القرن الثاني ق.م. وضع الفلكي الصيني(هياهونج) نظرية السماء الكروية حيث قال أن الكون بيضة والأرض صفارها و قبة السماء الزرقاء بياضها. والكلدانيون من خلال مراقبتهم لحركة الشمس ومواقع النجوم بالسماء وضعوا تقويمهم. واستطاعوا التنبؤ من خلال دورتي الشمس والقمر بحركتيهما ما مكنهم من وضع تقويم البروج حيث ريطوا فيعا بين الإنسان وأقداره. وأخضعوا فيها إخضاع حركات النجوم لمشيئة الآلهة. لهذا توأموا بين التنجيم والفلك. ومن خلال تقويم البروج تمكنوا من التنبؤ بكسوف الشمس وخسوف القمر. لكنهم لم يجدوا لها تفسيرا. وكان تقويمهم يعتمد أساسا علي السنو القمرية التي لم تكن تتوافق مع الفصول المناخية. وكان قدماء المصريين منذ 3000 سنة ق.م. أمكنهمة القيام بالرصد الفلكي وقياس الزمن وتحديده من خلال السنة والأشهر. وبنوا الأهرامات أضلاعها (وجوهها)متجهة للجهات الأربع الأصلية. ومن خلال هذا نجدهم قد حددوا الشمال الحقيقي. والفلك الفرعوني لم يتهموا به عكس بلاد الرافدين ولاسيما بالدورة القمرية. واهتموا بالشمس لأنها كانت ترمز للإله رع .

باقى رمضان

فى اليوم التانى من رمضان

محصلش اى جديد طول النهار صحيت على تلفون واحد صاحبى بعد ما زهقت من اليوم

كلمنى ايوه خير

قالى تعالى

رحتله عملنا مشوار كده

بعد كده فطرت عنده وبليل بقى

رحت عيد ميلاد ابن بنت خلته

ومن غير تريقه

حاجه كده لعبه عندها سنه

كان فى اتنين اصحبنا

ادونى حتت بومبه

كتبتلهم كشكول مش بتاع الورقه اللى انتو عارفنها

ربنا يسمحهم بقى

او يخدهم على حسب النيه

زخلاص اليوم وانا بلعب مع الاطفال

تالت يوم من رمضان

مفهوش اى حاجه خالص

غير بعض الاسامى اللى بتزيد فى الكشكول اللى انا عاملته

رابع يوم

وصلت للجزء العاشر فى المصحف وكنت فى غايه الفرح

وصاحب الشغل ضحك عليا ونزلنى ساعه زياده وقال مماشينى الصبح ساعه بدرى

المهم كان يوم جميل جداجداجدا

بس برده مفيش حاجه اسبشيل فيه

يوم زى اى يوم

ده اللى يعصب الواحد

الى القاء فى باقى الايام ده لو حد بيقرى اساسا

اول يوم رمضان

بعد السلام والتحيه

ابتدا رمضان والحمد لله

وطبعا لازم الواحد بيطل كل حاجه وحشه كان بيعملها ويحاول ان رمضان يبقى هو الخطوه الاولى للهدايه ان شاء الله

المهم احكى بقى

رحت اتسحر انا واصحابى بعد الشغل واحنا فرحنين

وقعدنا على القهوه ولقيت مصر كلها قاعده هناك زى ما يكون اخر يوم هيعده فيه

غريبه ان الناس بتكتر على القهاوى فى رمضان

ما علينا

قعدنا هزرنا ولعبنا واتسحرنا

وعايز اروح بقى وانى الاقى حاجه الاكبها علشان اروح مفيش

لقيت بعد عناء

وحاجه توصلنى بعيد عن البيت ب2كم

جبت سحور للبيت وانا مروح

لازم اشيل المسؤليه

وصليت الفجر وقريت شويه فى المصحف

ودخلت انام

وصحيت رحت الشغل

وهناك تكمن المفاجاه

طبيعى اى حد ممكن يتنرفز فى الشغل طب فى الايام العاديه الواحد ممكن يشتم اللى بيضايقه

طب فى رمضان وانت صايم والجو حر هتعمل ايه

قررت ان اجيب ورقه واكتب فيها اسم الشخص وعدد الشتايم اللى هاشتمهالو

ويوم 30 رمضان اجيب الورقه واشتم الناس

بس الكارثه ان فى خلال ساعه كانت الورقه خلصت

على كده انا كنت فظيع فى الايام العاديه

رحت اجيب بضاعه للمكتب

وهناك كارثه تانى

المندوبه بتاعه المبعات

حاجه كده بعد عن السامعين مش مظبوطه

والواحد صايم واغض البصر وامسك لسانى

كنت بتعزب عبال ما مشيت

ما انا بشر برده مينفعش كده

ورجعت البيت فطرت وجبت طبق حلويات وانا مروح

علشان الناس اللى يتاكل وتنسى

اللى كلو الشكلمه اللى انا بحبها

ونزلت الفتره التانيه فى الشغل

قاعد اغيظ فى الواد اللى معايا علشان انا عندى اجازه وهو لا وانا هامشى بدرى وهو لا

طبعا علشان انا بنزل الصبح

وعدت الساعه 12 ونكمل بكره يوم 2 رمضان

السلام عليكم

كل سنه وانتم طيببين

الناس الحلوه اللى بحبهم

كل سنه وهما طيبين

رمضان كريم

وانا عايز فنوس واللى مش هايجبلى فنوس هازعل منه

والعديه فى العيد برده

رساله الى الله فعلا

السلام والتحيه

بعد كتير من البحث والتفكيروالعناء وحالات الاكتئاب

وانا بقرى فى كتاب لابراهيم اصلان

الكتاب بتاع اختى علشان ماضربش

لقيت الرساله ديه ومن سعتها وانا بقيت منخليا اكتر من اللى كنت فيها

نص الرساله

كتابه المظرف من الوجه

البريد الجوى

يصل ويسلم الى الاستاذ ربنا الغزيز الكريم

كتايه المظروف من الخلف

الراسل مصطفى عبد الوهاب

عنوان الراسل

بولاق شركس حارة المصرى رقم 22

نص الخطاب الصفحه الاماميه

ربنا العزيز بعد السلام والرحمه الله وبركاته

انا مصطفى عبد الوهاب عبد العليم من بنى مزار مدريه المنيا

انا كنت بشتغل فى بلدى كده شغله وبعدين رفدونا كلنا (ليه ) واللى قالى يا مصطفى اذهب على مصر وانت تشتغل وفى اى شغله فحضرت مصر وانا فى مصر اديلى 20 يوم وانا بابحث عن شغل ولم القا اى شغل تناسبنى فارجوك انت ابعتلى اى شغله من امامك وانا اشكرك انا مصطفى عبد الوهاب

عنوان مصر هو بولاق شركس حارة المصرة نمرة 22

ارجو الرد حالا حالا حالا تم كتابه مبهما

الصفحه الخلفيه

الرد حالا حالا حالا حالا

والسلام عليكم ورحمه الله وبركاته

هذا نص الخطاب الذى عثر عليه الكاتب الكبير ابراهيم اصلان اثناء عمله فى هيئه البريد سنه 63

تاريخ ارسال الخطاب كما هو مدون على مظروف والواضح من ختم البريد 29/2/1963

من سعتها وانا بقول ليه 100 مره فى الدقيقه

ليه الراجل ده عمل كده

كان قصده ايه

وكان عايز ايه

وكان معتقد ايه

وفعلا فى ناس بتفكر كده وليه

انا عايز اعرف ليه

السلام عليكم

بعد التحيه والسلام واما بعد

انا اسف على تاخرى فى الردود واهمال المدونه

بس انا مكنتش قادر اكت او ارد او اعد على النت اصل

وان شاء الله مش هتكرر

وانتظرو اللى جى

عوده قويه غدا ان شاء الله

هل انت ضفدعه

أجرى بعض العلماء تجربة على ضفدعة

فقاموا بوضعها في إناء به ماء يغلي فقفزت

الضفدعة عدة قفزات سريعة تمكنها من

الخروج من هذا الجحيم التي وضعت فيه

.....لكن العلماء عندما وضعوا الضفدعة في إناء

به ماء درجة حرارته عادية ثم اخذوا

في رفع درجة حرارة الماء وتسخينه إلى أن

وصل إلى درجة الغليان وجدوا أن

الضفدعة ظلت في الماء حتى أتى عليها

تماما وماتت دون أن تحاول أدنى محاولة

للخروج من الماء المغلي ...

مقدمه كويسه نوعا ما

فى اللى بيحصل هيحصل كل يوم

طبعا استحاله تكون انت دلوقتى زى انت من خمس سنين

واجابه علشان احنا ضفادع

او اتعملنا على اننا كده واحنا صدقنا

فى حاجات كتير بتحصل واحنا بثور عليها وبعد فتره لاتزيد عن شهر ده يوم ما نقول ده الموضوع ده طول

بعد كده ننسى وكل واحد يتلهى فى حاجه

مش هاقول او اتكلم على الللى حصل قبل كده فى البوست ده علشان مطولش

من قتر مش كتير

قصه يمكن سمعتو عنها

سلمى البنت الصغيره اللى كانت بتلعب فى حمام السباحه

بنت مكملتش خمس سنين

طولها لايتجاوز المتر

تتشقط امعئها الدقيقه كلها

وفين فى نادى الاطباء

شوفتو الهنا اللى احنا وصلنالو

حمام سباحه بتاع اطفال

يبقى فيه شفط للميه بقوه تشفط امعاء البنت لحد ما تخرجها بره

مش مشكله الشفاط الكارسه ازاى اشتغل وفى الطفال فى الحمام

علشان مبقاش طولت هنزلوكو اللى حصل فى بوست تانى

ونحكى مين قال ايه ومين عمل ايه

بس اللى عايز اعرفه مين فينا ضفدعه

ومين لا وليه

سلام مؤقت

صدفه

حد مره فكره فى الصدفه

احنا اصل كلنا جينا صدفه واتقبنا صدفه وانتو دخلتو على المدونه صدفه

وكل حاجه فى الدنيا صدفه

ممكن نكون احنا بنحدد بعض الحاجات العناوين بس والباقى كل صدف

تلاقى واحد قاعد فى امان الله مره واحده يتعرف على واحده صدفه اتارى الواحد ده يطلع قريبه لا العيله متفككه طبعا زى ما فى كتير من

العئلات المصريه

ويطلع عنده شركه ويشغله معه ويحب بنت موظفه فى الشركه وطلتلع البنت ديه بيت صاحب الشركه وبيتدى يتجوز صدفه طبعا

ويخلفو ويجبونا احنا هو ايه اللى الراجل عمله غير ان هو قاعد فى امان الله

الحب بقى صدف يا جماعه

زمان الحب كان بجوبات غراميه وتخاف لما الاب يشوف الجواب

دلوقتى الحب بقى بمزد على الموبيل

لدرجه انك ممكن تكون على موقع شات او منتدى

وتتعرف على واحده وتاخد ميلها وتحبها من غير ما تشوفها ولا تسمع صوتها واكيد فى بنات بتعانى من الموضوع ده برده

والله انا ما عارف ليه كده

ممكن الواحد يحب من غير ما يشوف اللى بيحبها

اكيد الكل قال ايه الفيلم الهندى ده

بس والله بتحصل

ومن غير ازاى او ليه

رجاء ترك التعليق فى المدونه المهجوره ديه اللى محدش بيعبرها اللى اتعملت صدفه برده

الرحله

الرحله

الحمد لله بعد ما اوشك الصيف على الانتهاء قررات انا والصحابى اننا نطلع رحله الى راس البر نصيف ونتفسح زى الناس

الرحله دبه بنفكر فيها بقلنا شهر ومره واحده لقينا نفسنا حضرنا الهدوم ولمنا الشنط ومسافرين من غير ما نعرف احنا ازاى

ويتنا فى الشارع الحمد لله

علشان كان معانا واحد صحبنا ربنا يديله الصحه لففنا القاهره كلها اليوم ده علشان كل شويه ينسى حاجه نروح نجبها وبتنا على الرصيف

مش مهم الحمد لله المهم هنركب السوبر جت وهنام مش مشكله

المعد اللى عرفناه بليل انه هيطلع الساعه 6الصبح

نكتشف الساعه 6 الصبح انه هيطله الساعه 9.15

مش هم نطلع بالمكروباص مش هتفرق كتير كده كده نفس السعر

وركبنا والحمد لله

والمكرباص اتحرك

والحمد لله الوسواق كان نازل بدرى قال اما بفسحنا شويه وودانا بتاع 3 محافظات و7مراكز

عمبال ما وصلنا الحمد لله وصلنا

الساعه 10

نشوف شقه بقى على شان نرتاح من السفر ونحط الشنط

اول سمسار نقبله زى الامر وراجل زوق جداجداجدا

شفنا بكل الحترام عملنا

مره واحده اول ما وقفنا عنده زعق انتو عايزين ايه

عايزين شقه معنديش شقق امشو

راجل زوق جدا

مش مهم نشوف غيره

يرده معندوش غيره وغيره لحد ما رسيت على حاجه تانى خالص علشان الفلوس طبعا

وهو جناح كبير جداجدا فى فندق سفن الستار

وصف الجناح اللى نزلنا فيه

هو 3 سراير واوضه

اوضه تكاد تخدنا احنا التلاته باعافيه فيها 3 سراير من جملهم وكتر الراحله اللى فيهم منمناش

وكرنال بيستهبل كده وعمل نفسه مطبخ بس الحمد لله فقسناه

والحمام مش لازم اوصف علشان لو حد بيقرف ولا حاجه

امهم ان احلى حاجه فى السويت ده انه الدش كان شغال

المهم حطينا الشنط وغيرنا الهدوم ونزلنا

والوقت مش عايز يمشى خالص

من زفقنا نزلنا الميه الساعه 12 الظهر

وقعدنا فيها لحد ما الحمد لله التسلخنا وبرده طلعنا منها الساعه 2 الوقت مش بيمشى

المهم هنخرجونقابل الصحبنا اللى هناك الساعه 7

طلعنا السويت بتعنا لبسنا ونزلنا كلنا وفعدنا على القهوه واتفرجنا على فلم والساعه لسه 4

شلل بعيد عنكو

طلعنا السويت لعبنا شطرنج وكتشينه خلاص الساعه 7 هنزل

نكلم الناس يقولو هيتاخرو شويه صغيره وهيجو

علشان نتقابل الساعه 8.30

المهم جم هنخرج خلاص

نكتشف انهم من كتر ما هم دمهم خفيف اوى اننا مش قارين نعد معاهم

نسبهم ونمشى ونرجعلهم تانى ونفضل نقول فى نكت بايخه لحد 3.30 الصيح

لما خلاص اغم عليا مفيش نوم بقى

اليوم التانى

نخرج ونتفسى ناكل ونعمل كل حاجه

وننزل الميه ونركب عجل والحمد لله كا شويه الحى من اللى قبله ومره واحده ندخل السيما

افلام من 9 مسا الى 6 الصبح

ونتشل والحمد لله خلاص هنمشى الساعه 6 مساء ونسلم الاوضه الساعه 12 الظهر

فى 5 سعات الصحبنا قاو هما هيقدهم معانا وهما هيشلو الشنط بتعتنا عندهم

نكتشف الساعه 10 انهم مش بيردو على التلفون

والساعه 11.30

نعرف انهم مسافرين الساعه 1

والحمد لله نتقدر فى الخمس سعات فى عز الحر واحنا منمانش بقلنا 5 ايام لحد الساعه 6

ونركب الساعه 6 علشان نوصل القاهره الساعه 11

مع ان الطريق المفروض يوم ما نمشى براحه 3 سعات بس

الحمد لله جيت وجسمى طبعا وجعنى جدا

والصور بتاعه الرحله والسويت الفخم اللى كنا فيه مش هتنزل علشان الرقابه

برده ليه

ليه الواحد بعد ما يبقى معاه كل حاجه مره واحده يخسر كل حاجه ليه ؟

ليه بعد ما الواحد يبقى قرب من السماء مره واحده يلاقى نفسه فى سابع ارض ليه؟

هو ده القدر !!

القدر اللى الواحد يعد ساكت ويقول ده قدرى وما يحولش يعمل حاجه

بس حتى لو حاول هيعمل ايه فى النهايه مهما تعمل وتكون فى سنين تخسر فى ثانية !!!

يعنى ايه الواحد مره واحده تلاقى كل حاجه راحت منها احساسه وشغله ودراسته واهله واصحابه كل ده بيقع طب الواحد عايش ليه هو ده القدر قدر الواحد انه يعيش لوحده ميلقيش حد يحكيله هو عايز ايه وهو فى ايه ومشكلته ايه

يعمل ايه الواحد بعد ده كله

ليه كده

انا قربت ازهق من ليه اللى مالهاش اجابه

غريبه

وانا بتمشى فى بعض المنتديات لفت نظرى عنوان غريب من نوعه فى المنتدى ده

كان العنوان بيقول 11 صوره عاريه لكل الناس

واغرب من العنوان انى لقيت الموضوع ده واخد اكبر نسبه مشاهده واقل نسبه ردود

بصرحه قعت افكر وشوشو يلعب فى دماغى

بس انا قولت لو الموضوع كده اكيد كان هياخد نسبه ردود عاليه الناس يعنى الناس تعترض وكده لان المنتدى ده قبل كده حصل فى مشكله وكل الاعضاء اعترصت على صوره واحده وكانت لبسه هدوم بس مش قوى

استغربت قولت اما اخش اشتم الواد ده وقوله عيب وحرام وكده

واستعجبت اكتر لما لقيت الموضوع مفهوش ولا صوره

نص الموضوع انا هنزله على المدونه علشان تشوفوه

الصورة الأولى: تتعرى المساجد ...... عندما تختفي الصفوف بها ..

الصورة الثانية:تتعرى وجوه الرجال ....... عندما تختفي اللحية ..

الصورة الثالثة:تتعرى الاشجار ....... عندما تتساقط الاوراق ..

الصورة الرابعةتتعرى قلوب النساء .. عندما تتوقف عن منح الحب ..

الصورة الخامسة:تتعرى السماء ...... عندما تتلاشى السحب ..

الصورة السادسة:تتعرى الثياب ........ عندما يموت لابسها ..

الصورة السابعة:تتعرى الاماكن .. عندما تغيب عنها وجوه احبابنا ..

الصورة الثامنة:تتعرى شوارعنا .. عندما يكثر بها الاطفال المتسولون ..

الصورة التاسعة:تتعرى وجوه الجميلات .. عندما يتمدد عليها المكياج ..

الصورة العاشرةواخيرا .. تتعرى المواضيع .. عندما تختفي عنها الردود

وصورة إضافي تتعرى المرأة عندما تفقد عقلها او حيائها، ويتعرى الرجل عندما يتخلى عن المسؤولية
الاسم جامد شويه مش كده ..... يا ريت ناخد بالنا كويس من الصوره العاشره
مع خالص تحياتى واحترامى للجميع ..

بصراحه انا اما شوفته شكرت الراجل ده جدا علشان بجد ديه صورع عاريه جدا فى مجتمعنا

واحنا سيبنها

وللاسف اما سألته ليه العنوان ده قالى اصل لو كنت كتبت حاجه تانى مكنش حد دخل

وديه كمان صوره عاريه فى مجتمعنا

هو ليه المجتمع كده

ليه تانى

هو ليه لما الواحد بيحب حد اوى يكبر الحب ده ويوصل لكره لشخص ده
انا مش بقول كره بمعنى انك تكره لا بمعنى تكره فى عيشته
يعنى الدبه اللى موتت صحبها ديه كانت بتكره
اكيد لا بس احنا هنا حكمنا على الدبه من نيتها مش من فعلها
طب لو انت ماكان الدب اللى مات هتحكم عليها من نيتها ولا فعلها
وهنا المشكله
ليه احنا بنحكم على نفسنا من نيتنا وعلى الناس من افعلهم مش هو ده غلط
واحد يقولى طب وانا هاعرف نيت الناس منين
اجاوب انا
(على فكره ديه طريق دكتور الرياضه بتاعى فى المعهد والحمد لله مكنتش بطيقه)
طب ليه باصص للحياه بالعكس احكم على نفسك من فعلك
بس هو مين يقدر يعمل كده
امممممممممممم
هو كل اليله ديه والشحتته اللى انا مشحتتهلكم
ان انا مش بعرف احكم على الناس من نيتها لان الفعل اللى بيحصل ربنا ما يوريكم الموت ارحم من بكتييييييييييييييييير
كل اللى انا عايزه منكم حد يقولى اعمل ايه وانا شايف حريتى بتخنق
وانا بتخنق و موتى سمى حد يحط منخيره فى حاجه بتاعتى
المهم
برده اللى عايز اعرفه ليه احنا لما بنحب بنكره ولما بنكره مش بنعرف نحب
هو مين اللى غلط
اكيد فى حاجه غلط بس هى ايه مش عارف
هو ليه كده
هى ليه ملاهاش اجابه فى 99% من الاوقات

طب ليه
ليه لما بنحكم على حد بنقول هو غلطان واما نبقى مكانه نقول مكنش قصدى
ليه
(كنتم مع الحلقه التانيه من ليه كده )
بس بجد عايز اجابه انا قربت افقد الثقه فى كل حاجه
ليه منبقاش مجتمع حلو وجميل لكل واحد حريته وبرده مجتمع مترابط ليه ميبقاش فى خصوصيه لكل واحد هو انت علشان بتحبنى تلغى شخصيتى
حرام
ليه كده

ليه

ليه
-ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة؟

غريبة طيب ليه لما بتكون بطارية الريموت شبه فاضية ، بنضغط على الزراير جامد

ذكاء بعيد عنكم -

ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

عادى جايز مبنعرفش نكتب غيره

ليه بنقول هدية مجانية ..؟

مش المفروض إن الهدية تكون مجانا ولا بفلوس ؟

حافظين مابنفكرش

-ليه لما نكون جوه المنزل والسماء بتمطر بنسأل هو الجو بيمطر بره ؟

هى عمرها مطرت جوه ؟

-ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

تطافل

-ليه الخدمة بتكون سريعة لما المطعم يكون مزدحم أكتر من لما يكون نص نص ؟

احنا كدة شعب كسالى

-ليه لما الواحد بيركن السيارة فى موقف فاضى اللى جاى وراك بيركن جنبك ؟؟؟؟

ليه دايما لما حد بيجري يلحق الأتوبيس تلاقيه مبتسم أو بيضحك ؟

دية يمكن فرحان ان خلااااص هيروح

-ليه بنفتكر إن لما ندوس على زرار الأسانسير كتير هاييجى بسرعة ؟

جايز مستعجلين بجد ليه أو مثلا

-ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود و الزرار منور أصلا ؟أكيد أكيد مجنون

-ليه دايما عندنا إستعداد تام إننا نصدق أى حد بيكلمنا فى ودانا بيوشوشنا ؟

ناس طيبيين

-ليه لما بنتصل بالتليفون دايما النمر الغلط مابتكونش مشغولة ؟

جايز شركة الأتصالات بتمصلح

-وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة ...أو حتى أرقام الكيبورد؟

تكنولوبيا

-وبمناسبة التليفون ليه لما واحد يعطيك رقم تليفونه بيقوله بسرعة ؟

أكيد علشان يحسسك ال يعنى انه سهل

-ليه لما بنصحى من النوم دايما بنحس إن كمية النوم ناقصها عشر دقايق ؟

وبسبب العشر دقائق دول بنتأخر على ميعادنا او اعمالنا
حاجة غريبة فعلا

....

طبعا كل ليه ديه منقوله من حيتنا

انا جمعتها علشان نعرف ليه ليه

لو حد عرف يقولى

بدل ما اقفل واعد فى بتنا