السلام والتحيه
بعد كتير من البحث والتفكيروالعناء وحالات الاكتئاب
وانا بقرى فى كتاب لابراهيم اصلان
الكتاب بتاع اختى علشان ماضربش
لقيت الرساله ديه ومن سعتها وانا بقيت منخليا اكتر من اللى كنت فيها
نص الرساله
كتابه المظرف من الوجه
البريد الجوى
يصل ويسلم الى الاستاذ ربنا الغزيز الكريم
كتايه المظروف من الخلف
الراسل مصطفى عبد الوهاب
عنوان الراسل
بولاق شركس حارة المصرى رقم 22
نص الخطاب الصفحه الاماميه
ربنا العزيز بعد السلام والرحمه الله وبركاته
انا مصطفى عبد الوهاب عبد العليم من بنى مزار مدريه المنيا
انا كنت بشتغل فى بلدى كده شغله وبعدين رفدونا كلنا (ليه ) واللى قالى يا مصطفى اذهب على مصر وانت تشتغل وفى اى شغله فحضرت مصر وانا فى مصر اديلى 20 يوم وانا بابحث عن شغل ولم القا اى شغل تناسبنى فارجوك انت ابعتلى اى شغله من امامك وانا اشكرك انا مصطفى عبد الوهاب
عنوان مصر هو بولاق شركس حارة المصرة نمرة 22
ارجو الرد حالا حالا حالا تم كتابه مبهما
الصفحه الخلفيه
الرد حالا حالا حالا حالا
والسلام عليكم ورحمه الله وبركاته
هذا نص الخطاب الذى عثر عليه الكاتب الكبير ابراهيم اصلان اثناء عمله فى هيئه البريد سنه 63
تاريخ ارسال الخطاب كما هو مدون على مظروف والواضح من ختم البريد 29/2/1963
من سعتها وانا بقول ليه 100 مره فى الدقيقه
ليه الراجل ده عمل كده
كان قصده ايه
وكان عايز ايه
وكان معتقد ايه
وفعلا فى ناس بتفكر كده وليه
انا عايز اعرف ليه
هناك ١١ تعليقًا:
حلوو قوى الموضوع اللى انت حطة
لكن اكيد برضة عايزة اعرف ليه الراجل ده عمل كدا
كل سنة وانت طيب رمضان كريم
هيه انا اول تعليق
الحقيقه يا حمام مش عارف اقولك ايه
القصه على اد ما ضيقتنى على اد ما فرحتنى
اضيقت لان لسه فى ناس بهد اكتر من الف وربعمائه سنه من الرساله
مش عارفه ربها
ومش عارفه تكلموا ازاى
الشخص العلبان الى انت اتكلمت عنه بتاع المنيا
واحد زى الوف ميننفعش ربنا يفتح عليهم
ولازم يفشلوا لانه ببساطه ميعرفش حاجه عن الى بيرزقه يبقى ازاى هيطلب منه يرزقه
ميعرفش ربنا استاذ ولا بشمهندس ولا دكتور
ميعرفش حتى القاب الله
ميعرفش ان ربنا مش محتاج انه يعرفه بنفسه ويقوله اسمه
ميعرفش ان ربنا كمان عارف عنوانه الى هو مش عارف ينطقه
ميعرفش ان مصلحه البريد عاجزة عن توصيل رسالته لان مافيش حاجز بين الرب والعبد
انا شايف ان منتهى العدل ان الشخص صاحب الرساله لازم يكون فى منتهى منتهى الفقر والضنك
لان ميعرفش اساسيات حياته
تحياتى
مش عارفة و الله احنا رايحين على فين
و الناس دي بتفكر ازاي
و محدش يقدر يقول ان دي بساطة لأن الفلاح الفقير البسيط بيعرف ازاي يكلم ربنا
لكن ده نتاج طبيعي للجهل و التخلف اللى بقينا فيه بالرغم من ان قواعد التعامل مع صفات الله و أسمائه دي شئ بديهي فينا و في فطرتنا
بجد ربنا يهدي عبيده
للناس دي اقول اعرف ربك أولا ثم تعلم كيف تناجيه
شكرا على الموضوع و لو انه حرق دمى زي ما حرق دمك
تحياتي
بسم الله الرحمن الرحيم
وقال ربكم ادعونى استجب لكم
قال تعالى
واذا سألك عبادى عنى فانى قريب أجيب دعوة الداعى اذ دعان
ببساطه شديده مشكله الراجل ده انه عمرىما عدى على الايتين دول فى المصحف الشريف
ولا مرة واحده فى حياته راح صلى ولا حتى الجمعه وشاف الامام وهو بيدعى الله من غير ورق ولا جوابات ولا حاجه
الا انى اختلف مع ممكن
فى ان من العدل ان يظل هذا الرجل فقير
يا اخى الكريم كيف تصدر حكما على حكمه الله
لعل الله اراد ذلك الرجل
فجعله فقير ففكر هكذا حتى يسال المرة الاخرى فيرشده احدهما الى الطريق الصحيح
اليس من الممكن ان يكون هكذا
فان الله يعطى الدنيا للمومن والكافر سواء افليس سعطيها لذلك الفقير
فالله ارحم بعباده من الام بولدها
وهذا الرجل كما واضح من اسمه انه مسلم ولانه جاهل
نسال الله ان يثبتنا ويبعد عنا الفتن ويتوفنا مسلمين
كل سنه وانت طيب
semsem
ـــــــــــــــ
المقصود ما دام لا يعرف ربه حتى الان فلايستحق رضا ربه
منتهى الغباء انا اطلب من شخص لا اعرفه
لكن اذا عرف الله فله ان يطلب منه ما يشاء ومن حقه واحده من ثلاثه
ايما ان يحصل على طلبه كما دعا به
وايما ان يرفع عنه بها مصيبه
واما يكتنز له يوم القيامه
هذا ان علم وسعى ان يعلم من هو ربه
تحياتى يا سمم
ممكن
---
لا اعلم لما تذكرنى شدتك وغيرتك على الاسلام بسيدنا عمر بن الخطاب رضى الله عنه
معاك ان الرجل غبى وجاهل
ولكن يا ممكن
الرجل غافل جاهل وليس كافر
انا مش معاه طبعا ولكن الله لا يعذب من لا يعرفه فى الدنيا
كل اللى قلته ان لعل الله هداه الى هذا التفكير ليرجع اليه ويرشدها احد الى الطريق الصحيح
كم من المرات نكون فيها على شفه حفرة من الهلال والفتنه وينقذنا الله
بس ةتحياتى ليك وقد ايه انا معجبه فعلا بغيرتك على الدين
يلغنا الله رمضان وجمعنا واياك فى الجنه
سبحان الله
موضوع جميل
بس فعلا هناك أناس كثيرون لا يعرفون طريق الله الا عندما يصيبههم اذى او مكروة او ضائقه
كما اصاب هذا الشخص
ولكن مع اختلاف طريقه الرساله والدعاء وكيف الانسان يدعو الله
هو طبعا ظاهر من كلامه فى الرساله انه لا يعرف الطريق الى الله ولا كيف يدعوة ولا يعلم شىء عن الدين
ممكن اقولك دا جهل مصحوب بعدم عرفان بالدين مع انه مسلم يعلم ان هناك إله كيف يدعوة مهما كانت بساطتها
كمان الرجل باين من كلامه السزاجه والجهل المتناهى
ولكن اختلف معك فى حكمك على ان الله لا يرزق مثله
لان الله يرزق من يشاء بغير حساب يعنى ربنا بيرزق المؤمن والكافر والمجوسى والبوزى وعباد الابقار بغير حساب
فهذا الرجل من الممكن على الرغم من طريقه سزاجته وعدم عرفانه ان يرزقه الله
لانه حاول ان يصل الى الله وحتى لو اختلفت طريقه كتابته او دعائه لله
فهو يحاول ان يتقرب الى الله
وعلى فكرة العيب مش بنسبه كبيةر على هذا الرجل العيب فينا نحن المسلمين
لان فى مننا مثل هذا الرجل يفكرون هكذا حتى الان
هل احد يتخيل ان هناك مسلم مثلا فى عصر من العصور الاسلاميه يفكر او يعو الله بهذا الشكل
لا اعتقد هذا ليه
لان فى عصورهم هذة كان الاسلام هو الحق الكل يتعلم الكل يخبر الاخرين بتعاليم دين الله والكل يصلى
الكل يبلغ عن الرسول مش هقول ايه كان الكل يبلغ ما يسمعه من الرسول او ما يقرة الرسول
دلوقتى بقى هناك اختلاف كلى عما كان فى الفترة دى
ليه لاننا انشغلنا بدنيانا عن اخرتنا فنسينا ديننا وتعاليمه وكيف نصل الى هؤلاء الفقراء الجهلاء
لنعوهم الى الله
لكى نقول لهم ان هناك إله يرزق ويغفر ووووو
وهذا الراجل باين من كلامه انه يجهل االاسلام ولكنه مسلم واهتدى الى هذا الكلام لان عقله خلاة يوصل هذا التفكير
واعتقد ان تفكيرة دا على الرغم من سمه الجهل اللى فيه الا
انه افضل من أناس كثيرون
الان فى عالمنا الحالى مع انهم وصل لقمه العلم والمعرفه الدنيويه الا انه لا يعرف كيف يصلون الى الله
واى الطرق يسلكونها وكيف حتى يدعونه
معلش طولت عليكم
تحياتى
بصراحه انا مش عارفه اذا كان ده طيبه زياده ولا جهل
وانا شايفه انه جهل
لان بين العبد وربه مفيش وسيط
لا جوابات ولا بشر ولا اى حاجه
كل اللى احنا محتاجينه هو الدعاء
وانا متفقه مع سمسم ان اكيد الراجل ده عمره لا صلى ولا راح مسجد
والا كان عرف ان مفيش حاجز بينه وبين ربنا
البوست جميل اوى واسفه بجد على التاخير فى الرد
كل سنه وانت طيب وبخير
الراجل اللي كتب الرسالة دي أكيد بيمر بحالة نفسية غير طبيعية أو نوع من الخلل العقلي أو النفسي
لأن أي شخص عاقل حتى لو كان لا يعتنق أي ديانة بالمرة لا يفعل مثل هذه الفعلة
الراجل ده كان تحت ضغط نفسي شديد واحباط أدى بيه لكتابة هذا الخطاب
إرسال تعليق