اسيبك لمين

شوفت اللى حصل

عندما كان الجميع حولى
كنت اقول صديقى ابدا من حبيبى
حتى وان غاب الحبيب
ولكن عندنا ذهب الجميع
اول من اشتقت اليه هو الحبيب

رسوم فوق وجه الريح

جلسنا نرسم الاحلام
فى زمن ..بلا الوان

رسمنا فوق وجه الريح

عصفورين فى عش بلا جدران

اطل العش بين خمائل الصفصاف

لؤلؤه بلا شطان

نسيناالاسم..والميلاد..والعنوان

ومزقنا دفاترنا

والقينا هموم الامس

فوق شواطئ النسيان

وقلنا:لن يجئ الحزن بعد الان

رأينا الفرح بين عيوننا يحبو

كطفل .. ضمه ابوان

رسمنا الحب فوق شفاهنا الظمأئ

بلون الشوق.. والحرمان

رسمتك نجمه فى الافق..

تكبر كلما ابتعدت

فألقها بكل مكان

رسمتك فى عيون الشمس

اشجار متوجه بنهر حنان

رسمتك واحه للعشق

اسكنها.. وتسكننى

ويهدأ عندها قلبان

ـــــــــــــــــــــــــــــــــــــــــــــــــــــــــــ

جلسنا نرسم الاحلام
فى زمن ..بلا الوان
وعندنا نذكر الماضى
وما قد كان
ووحش الليل يرصدنا
ويهدر خلفنا الطوفان
شربنا الحزن اكوابا ملوئه
بد القهر..والبهتان
عشنا الموت مرات
بلاقبر ..ولا اكفان
وجوه الناس تشبهنا
ملامحهم ملامحنا
ولكن وجهنا..وجهان
فوجه ضاع فى وطن
ضغت في ارضه الجرذان
ووجه ظل مسجونا بداخلنا
بلا قطبان

ـــــــــــــــــــــــــــــــــــــــــــــــ

جلسنا نرسم الاحلام
فى زمن ..بلا الوان

نسينا فى براءتنا

بلاد تعبد الاصنام

تسجد فى رحاب الظلم

ترتع فى حمى الشيطان

نسينا فى براءتنا

وجوها علمتنا القتل

مذ كنا صغار

نطعم القطط الصغيره فى البيوت

ونعشق الكروان

نسينا فى براءتنا

وجوها طاردت بالموت

اسراب النوارس

حطمت بالصمت اوتار الكمان

نسينا فى براءتنا

بلاد تزرع الصبار

فى لبن الصغار

وتطعم العصفور ..للغربان

ــــــــــــــــــــــــــــــــــــــــــــــــــــــــــــــــــــــــــ

جلسنا نرسم الاحلام

فى زمن.. بلا ألوان

توحدنا..

فلم نعرف لنا وطنا من الاوطان

تناثرنا...

فصرنا فى ربوع الارض

اغنيه لكل لسان

أحبك..

قلتها للفجر حين اطل فى وجهى

وعانقنى

وحطم حولى الجدران

أحبك..

قلتها للبحر .. والامواج

نحملنى لشط امان

احبك قلتها لليل..وللحظات تسرقنا

فنرجو العمر لو انا معا طفلان

رمينا فوق ظهر الريح

اشلاء مبعثره من التيجان

وقنا نشترى زمنا

بلا زيف

بلا كذب

بلا احزان

وقلنا نشترى وطنا

بلا قهر

بلا دجل

بلا سجان

جلسنا نرسم الاحلام

فى زمن.. بلا الوان

توارى كل ما رسمت

على وجهى يد الطغيان

لتبقى صوره الانسان!!

فاروق جويده

العيد

كل سنه وانتم طيبين
طبعا جيه متاخره بس معلش انتو عارفين الشغل بقى
ما علينا
الحمد لله الشغل كان فى العيد ميت فل وعشره
مع انا انا مش عارف ليه العشره الزياده ديه
بس انا بسمعهم بيقلو كده
الحمد لله يعنى
طبعا انا تقريبا كنت شغال على الحدائق العامه والملاهى والسلميات
رايح جى عليهم ما شاء الله مصر كلها مش بتروح غير الحتت ديه
بس الحمد لله كان عيد زى العسل
الحدوته كلها بقى فيا انا
يعنى الناس كلها تعيد وانا لا يبقى عيبه فى حقى
خلصنا شغل وقلت اروح اعد مع اصحابى بقى اعيد
واول ما رحت ها نعنل ايه انهارده انا عايز اعيد بقى
بكل بساطه لقتهم بيقلو هندخل سيلما
لالالالالالا حرام حتى انتو وانا اللى ماسك الناس ترقيه من اول العيد
احنا لازم نغير
رد واحد تانى قال خلاص انا نفسى اروح ملاهى والكل شبط فى الفكره
ملاهى ايه يا جماعه احنا كبرنا بس ولا حيات لمن تنادى وبصراحه انا الفكره عاجبتنى
قررت اروح معاهم
وصلنا بسلامه قطعانا التزاكر
ودخلنا
اول لعبه هى تقريبا كده شبه المنخل
والحمد لله اتنخلنا لحد اما ادغدغنا
ولسوء الحظ الراجل مش عارف يظبط الباب
علشان ننزل فبقى يمرمغ فينا اكتر واكتر
لحد اما الحمد لله نزلنا طبعا نازلين بنسحف علشان مش قادرين نمشى
قررنا نركب الشللات
ولسوء الحظ برده ان المركب اللى احنا فيها تتزنق فى المسوره
واحنا عايزين ننزل
انا كان كل خوفى ان تنزل مركب تانى ورنا نخها زحف احنا لحد تحت وهدوم العيد بقى
بس الحمد لله
جتلنا فكره كويسه وهى فكره البرص على الحيط
كلنا سبتنا ادينا على جانب المسوره ونزق نزق لحد الحمد لله اتزحلقنا ونزلنا بسلامه
طبعا انا عارف اليوم الكحلى بيبان من اوله
قررنا نركب المقص وطبعا انا عندى اهفهف بس محدش يسيحلى
ركبنا وكنت مسخره تقريبا الملاهى كلها كانت بتضحك عليا
بس انا ولا همنى عاملت مش انا طبعا وقاعت اضحك عليا معاهم
نزلنا وانا كنت خلصان
قلك بقى نركب قطر الموت
طبعا انا عاملت عندى وعكه صحيه وقلت مش راكب
بس على مين اتكتفت وركبونى وانا بعيط
انا قلت اتشاهد احسن
وكنت حاسس احساس الموز بلبن وهو فى الخلاط
ونلت كان فيه ميه كتير مش عارف منين بس الحمد لله طلعت مش منى
نزلت وقلت مش هاكب حاجه تانى كفيا اللى حصل
بس على مين
دخلنا بيت الرعب
وكل اللى دخل خارج ايده على قفاه
فى ناس غبيه بتضرب جوه مش بيهزرو
وكان فى واحد من اصحابى راسه والف سيف ينزل يضرب اللى ضربه
بس مكنش بيلحق علشان كان فى غيره بيضربه
خرجنا طبعا وكانت اشكلنا تحفه من تحف الزمن
كملنا لعب باقثى الاعاب كانت خفيفه
عده اليوم
بس كان يوم جامد

توصيله وحكمه

بسم الله الرحمن الرحيم

به استعنا وعليه توكلنا

بعد صمت رهيب لان العربيه كانت عند السروجى بركبها كسوه كده اعبال عندكو

رجعنا بسلامه

والمشكله ان الشارع المصرى بقى اشبه بالشارع السياسى

ده طبعا علشان الانتخبات قربت

لاحظت ان اكتر الناس بتتكلم عن السياسه معيا

وبيعترضو على حاجات كتير

هما اصلا مش معاهم بطاقه انتخابيه

يعنى ملهوش صوت

وبصراحه الموضوع ده كان مضيقنى جدا

لحد ما جتلى الفرصه

زبون من كتر الكلام معاه ما عجبنى نسيت هو كان رايح فين وخاصه انه هو اللى كان بيوصفلى الطريق

السلام عليكم

وعليكم السلام ورحمه الله وبركاته

ان شاء الله هتيجى معيا كام مشوار كده وتستنانى ونكمل

ان شاء الله

بس انا ليا شرط معاك قبل ما نمشى

(على الصبح كده وشروط ماشى)

اقمر يا بيه

مش عايز اشوفك مكشر طول السكه

؟؟؟!!!! ده شكلى

مش فاهم بش قشطه

اتكلنا على الله

ايه رايك فى الانتخبات يا اسطى

بنت ناس

طب انت ناوى تنتخب مين

اللى يبقى ابن ناس وبستاهل بنت الناس ديه

انهى بنت ناس

الدايره اللى هو هيبقى مرشح بنيابه عنها

ااااااه

طب انت لو حد هايهديك لقب ليك يبقى ايه

اكيد هاختار اسمى

يعنى مش عايز حاجه قبل اسمك

مش هتنفعنى وهتبقى زحمه فى الكارت وخلاص

ياريت كل الناس زيك

لالا متخفش فى كتير اوى منى

بس مش باينين

علشان مافيش قبل اساميهم حاجه

امممممم

تمام

انت معاك شهاده

الحمد لله

عاملت بيها ايه

عامل بيها حاجات كتير جدا

اكيد واكبر دليل انك شغال على تاكس

حاولت اكشر فى وشه

اوعى تنسى الشرط اللى فى الاول

ااااااه حلوه العبه ديه

ابتسمت قلتله مش معنى انى شغال على تاكس انى مش لاقى شغل

احنا لو فكرنا شويه هتلاقى ان سواق التاكس ده ليه اهميه زيه زى الوزير

كل وظيفه من الزبال لكبير الموظفين

ليه اهميه

لو اى واحد منهم قال مش شغال المنظومه مش هتكمل يعنى هيبقى فى خلل

والخلل معناه واحد مش لازم يبقى سببه واحد مهم او واحد معفن هو هو الخلل

طيب انت ايه اللى مشغلك على تاكس

علشان احسن من القاعده انا عندى وقت فاضى اسيبه فاضى ليه هتحاسب عليه الوقت ده

انت شغال ايه او مجال شهتك ايه

انا دارس فى مجال الدتا بيز

طيب ما انت كويس اهو مشتغلتش ليه فى مجالك

ومين قالك انى مش شغال

ما هو استحاله تكون متمكن من المجال اللى انت بتقول فيه

وشغال سواق تاكس

وايه المشكله محدش ليه عندى حاجه

مش يمكن فى هدف من الشغلانه ديه

هدف وسعت منك كده

اى حاجه الواحد بيعملها ممكن يكون هدف فى حياته

اما بتعد تتفرج على ماتش كوره ده هدف وسببه المتعه

نشره الاخبار برده ليها هدف

ااااااااه

عندك حق

نرجع لموضعنا بقى

هتدى صوتك لمين

ما انا قلتلك لابن الناس

وانت هتديه لمين

انا معنديش بطاقه انتخابيه

يا نهار وعمال تقول اتخبات وهتدى صوتك لمين

وانت اصلا معندكش صوت

ليه قلت كده مش يمكن محدش عايز يسمع صوتك علشان كده انت ملكش صوت

ممكن هى كلها وجهات نظر

كلمه وجهات نظر ديه مهرب لاى حد من اى حاجه

بس فى حاجت مفهاش وجهات نظر يعنى ما بتكون هى كده فى نظر الناس كلها

يعنى انت لو شوفت راجل وست ماشين فى الشارع ممكن تشفهم العكس تحت بند وجهات نظر

لا طبعا

شوفت بقى

اللى تقول عليها وجهات نظر لو قلت الست ديه حلوه وانا ممكن اشفها مش حلوه

ديه بقى بقى وجهات نظر او ازواق

وانا كده وصلت انت هتنزلنى هنا

ماشى هستناك كتير

لا اتكل على الله انا ساكن هنا

بس انا حبيت انك تحس انى هافضل معاك يومك كله علشان نعرف نتكلم

وخليتك تبتسم طول الطريق علشان منحسش بملل

حتى اما ببقى مختلف معاك فى الرئى بس منكشرش فى وش بعض ما انت هتتسأل على الابتسامه ديه برده زيها زى وقتك بالظبط

سلام عليكم

وعليكم السلام

يوم ملهوش حل

استغفر الله العظيم
وربنا يستر اليوم باين من اوله
الصبح الميه مقطوعه
ومش عارف اعمل حاجه خالص
الهدوم مش مكويه
مش لاقى الجزمه
الحمد لله عديت كل العواقب ديه ونزلت
رحت عند منعم بتاع الفول علشان افطر
والحمد لله لاول مره البلديه تيجى تشيله
بس الحمد لله
قلت يا واد طنش خالص بتحصل يعنى عادى
انا كده كده مليش نفس افطر كمان
ادور العربيه مش عايزه تدور
كده بقى ابتدى الفار يلعب فى الدواسه عندى
اااااااااه
طيب ما علينا اكتشفت اكتشاف رهيب جدا ان العربيه مش فيها بنزين
خت العربيه زق على الصبح كده لحد البنزينه
كله تمام العربيه دارت هييييييييه
نزلت ومشيت شويه ولقيت صوت عجيب بيطرقه فى الارض
استر يارب
اخ الكوتش نام
حسبيا الله ونعم الوكيل فيك ياللى فى بالى
وهو اليوم البرتقالى بيبان من اوله
غيرت الفرده
وكنت تعبت بصراحه
داخلت جوه العربيه
قلت اشغل حاجه اسمعها اروق بيها اعصابى
ويارتنى ما عاملت حاجه
اوبا ايه اللى انا بسمعه ده
نصير شمه رحيل القمر
كده بانت
مش طلبه نكد خالص مع انى بعشقها بصراحه بس مش وقتها
هات محطه تانى
محمد منير اموت انا
بس اغنيه حوايت
ماعلينا
اسمع بقى وانت ساكت
خلصت الحمد لله
محمد منير تانى بس المره ديه اغنيه
كان نفسى
كده محمد منير مستقصدنى
بلاش راديو
انا عايز حاجه افك بيها

لقيت اسطوانه مجهوله المصدر موجوده قلت اشغلها
طلع عبد الحليم قارئه الفنجال
كده انا زهقت
بس انا عرفت هاعمل ايه
هاشغل قرءان انا ازاى مشغلتوش من الاول هو ده السبب على فكره
الحمد لله رجعت لصوابى
شغلت قرءان سوره مريم بحبها جدا
ومشيت
واحد العبور
ركب الراجل طبعا
والحاله النفسيه اللى انا فيها مكنتش تسمح بالكلام
وصلته وزى العسل
العداد كان عامل تقريبا 90 جنيه وانا طبعا مبسوط اخر حاجه
توصيله واحده هاقفش منها بقى
صحبنا نزل قالى هاجيب الفلوس من المحل بتاعى واجى
وداخل وانا مستنى
10 دقايق مفيش
ربع ساعه مفيش
تلت ساعه زهقت
قمت اشوف صاحبنا فص ملح وداب
مع ان لحد ربع ساعه كان جوه المحل قدام عينى وشايفه
اختفى
انا بكل بصاته استعوض ربنا
وركبت التاكس
وقفلت الازاز وشغلت التكيف وروحت
وحلفت ما انا شغال انهارده
نظر للحوال النفسيه والجويه
وشكر لحسن استمعكم

حبيبتى

حبيبتى
جئت اليكى رغم ما بيا من قوه الاسود وعزة الملوك
ولكن الان على ان ارحل وحدى
فشأن مملكتى اهم من انتظار ما يسمونه الحب

يوم جديد

بسم الله الرحمن الرحيم

توكنا على الله

غسلنا التاكس ونضفناه

وطلعنا

الهرم

ان شاء الله

(ركب الزبون)

(طبعا عارفين المبداء كييف الزبون يظبتك

كيفت الزبون كا العاده

والراجل فرح ان انا مشهيصه

وابدا يتكلم فى حاجه انا مش بحبها خالص وهى الكوره

وانا الحمد لله معلماتى فى الكوره اقل بنسه عن معلماتى عن النشطار الزره)

شوفت الماتش

ماتش اه كان جامد بصراحه بس مكملتوش كله يا خساره

(علمات استفها على وش الراجل)

انهى ماتش اللى انت ششوفته

بتاع امبارح ده

امبارح اللى هو بين مين ومين

(انا طبعا حسيت احساس القله جمب الزير

حاولت اتوه بس معرفتش)

وبكل بساطه انت شكلك مش بتحب الكوره

اه فعلا مش بفهمها

(علمات استفهام تانى على وش الراجل واكنه بيقول ايه الحمار اللى ركبت معاه ده)

مش بتفهما ازاى يعنى

يعنى اصلى حاسس انها حاجه كده مش مفهمومه وبعدين ديه مدوره ياعم

(قلت اخرج بحس كومدى)

ضحك ضحكه خفيفه كده حسيت انه مستحمارنى اوى

بس بجد بجد احساس الحمار ده جامد اوى

الراجل حس بكده قالى اغير الموضوع احسن

انا ما صدقت طبعا

قالى ايه اخبار الشغل معاك

الحمد لله وكله رضا من عند ربنا

بس برده شغلنه ممله مش كده

لالا عادى هى ممله فى الف بس بس اما بيركب معيا زباين عسل زيك كده بتبقى الحياه حلوه

ضحك قالى الناصيه الجايه معاك

علامات استفهام عندى ان بعدها استوعب اننا وصلنا

زل ومشيت

(وماشى فى الشارع ومشغل موسيقه بقى وعايش

المرده ديه زبونه)

المعادى

(طبعا زبونه بتركب وراه بيحسسو الواحد ان رحته وحشه مع انى بستحمه قبل ما انزل

المهم

ركبت وطلعت طبعا الواحد بيبقى حاساس فى التعامل)

تحبى يا انسه نمشى منين

اللى تشوفه هو انت مش عارف السكه

لا عارفها بس برده يمكن اللى بيركب بيبقى عارف طريق اسهل

يا عمى اتكل على الله سكه ابو زيد كلها مسالك

اه انتى هتقليلى واحنا ما اكتر ما لسكنا كلها مفتحه على بعض

بس انتى ماقلتيش انتى رايحه فين فى المعادى

ما قلتلك اتكل على الله واما هاوصل هاقلك

طيب

(عم السكوت على المكان

لحد ما تلفونى رن)

تررررررررررن تررررررررن

الو

ايوه

انت فين يا عم

رايح مشوار المعادى

طيب انا هاستناك فى التحرير انجز بسرعه

عينى يا كبير

(قفل اموت واعرف مين اللى كلمنى مش عارف)

وصلنا نزلت

وخت طريقى وراجع

التحرير

ركب طبعا انا قلى التحرير ضحكت افتكرت ما كلمه التلفون

مشينا الطريق اتزحم شويه كلاكس

صحبنا يبصلى بقرف

هسسسس

ما الطريق زحمه

ايوه القف ما تعملش ازعاج

ازعاج ايه يا بيه

طبعا عارفين بيه انا بقلها امته

هسسسسس

دست فرامل مره واحده علشان كان فى واحد بيعادى

ايه ده انتى مش بتعرف تسوق

يعنى سعتك مش شايف

وانااشوف ليه هو انا اللى سايق

اممممم

ربنا يكمل التوصيله ديه على خير

هتنزل فين فى التحرير يا بيه

هسسسسسسسسس

هس ايه هو انا بقله هات حاجه حلوه امشى ازاى

شاور بايده يعنى على طول

مشينا

(ومره واحده لقيت حد بيخبط على كتفى ببصله)

على جمب بقى

كل اللى عاملته

هسسسسسسسسس

وكملت سواقه

الراجل ياعم عايز انزل

هسسسس

اعد لحد ما اقف ومتعملش ازاعج

بس بعد كده وقفتله بصراحه صعب عليا بس كنت مبسوط انتى عكننت عليه

وخت الاستراحه على القهوه والحمد لله

وريحنا وريحنا العربيه

وكملت طريقى

لف ثم لف ثم لف

لحد ما واحد فالى كفرطهرمس لو سمحت

انا استعجبت طيب ما تركب القطر ولا تاخد تيوته اوفرلك

ضحك

وركب يا عم ده هنا فى فيصل

اطلع اطلع

اطلع هو انا قلتلك هاروح اصلا

سكت كده

خلاص خلاص متزعلش هاوديك

ووصلته والحمد لله طلع فعلا داخل القاهره

وخلص اليوم اللى كان 90% منه ناس مبتكلمش

بس احسن علشان بعد الراجل بتاع هس ده انا اتخنقت اصلا

الى القاء بكره اسبكو بقى علشان هاموت وانام